fatawa-usmani-2

داڑھی منڈانے والے کو امام بنانا

سوال:۔ جو شخص داڑھی منڈاتا یا کتراتا ہے، اس کے پیچھے نماز پڑھنا کیسا ہے؟ اور تراویح میں ایسے شخص کو امام بنایا جاسکتا ہے؟
جواب:۔ ایسے شخص کو باختیارِ خود امام بنانا جائز نہیں،(۱) اور صالح و متدین امام کے پیچھے نماز پڑھنے کی کوشش ضروری ہے، تاہم اس کی اقتداء نہ کرنے کی صورت میں جماعت بالکل فوت ہونے کا اندیشہ ہو تو اس کے پیچھے نماز پڑھنا انفراداً نماز پڑھنے سے بہتر ہے۔
(۲) اور تراویح میں بھی ایسے شخص کو امام بنانا جائز نہیں، اگر اور کوئی مہیا نہ ہو تو ’’اَلَمْ تَرَ کَیْفَ‘‘ سے پڑھ لینا بہتر ہے۔ واللہ سبحانہ اعلم

۵؍۶؍۱۴۰۹ھ
(فتویٰ نمبر ۹۷۵/۴۰ ج)
(فتویٰ نمبر ۷۷/۱۹ الف)